दोलखा, मंसिर १८ । प्रतिनिधिसभातर्फ दोलखामा नेकपा एमालेका बालकृष्ण शिवाकोटीले झनै अग्रता बढाएका छन् । यसअघि ११ सयको मतान्तर बनाएका सिवाकोटीले अहिले बिहान ७ बजेसम्ममा १५०३ मतान्तर बनाएका हुन् ।
३६ हजार ३३६ मत गणना हुँदा शिवाकोटीले १६ हजार २१४ मतका साथ अगाडि छन् ।
त्यस्तै नेकपा माओवादी केन्द्रका उम्मेदवार गंगा कार्कीले १४ हजार ७११ मत पाएका छन् ।
मतगणनाको सुरुवाती क्रममा माओवादीको कार्कीलाई नै एक हजारको अग्रता थियो । तर आइतबार बिहानसम्ममा एमालेले एक हजारभन्दा बढी मतका साथ लिड गरेको हो ।
मंसिर ४ गते भएको मतदानमा बुथ कब्जा भएपछि गत बिहीबार दोलखाका १० वटा मतदान केन्द्रमा पुनः मतदान भएको थियो।
उता समानुपातिक मत गणनामा पनि नेकपा एमालेले अग्रता कायम गरेको छ । प्रत्यक्षमा दोस्रो दल बनेको नेकपा एमाले समानुपातिकमा पहिलो हुने निश्चित छ ।
