- सुमन आचार्य
आठराई, १५ चैत । तेह्रथुम जिल्लाको आठराई गाउँपालिका वडा न १ पुरानागाउमा अपराह्न करिव साढे ३ बजेतिर घरमा आगोलागी भई एक घर जलेर नष्ट भएको छ ।
जुरमान लिम्बूकी श्रीमती तुलसा लिम्बूको ३ तले खरको छानो भएको घरमा आगलागी भएको हो ।
मध्यनबाट खमारे सिंहदेवि सामुदायिक वनमा लागेको आगो बस्तीमा पस्दा लिम्बूको घर जलेको हो ।
आगो स्थानीयबासी, नेपाल प्रहरी, आठराई गाउँपालिका अध्यक्ष दिलकुमार पाहिम, १ नम्बर वडा अध्यक्ष प्रेमराज लिम्बू सहितको टोलिले आगो नियन्त्रणमा लिएको थियो ।
प्रारम्भिक सर्वेक्षण अनुसार आगलागीबाट लिम्बूको अन्नपात भाडाकुडा लत्ताकपडा गरी ८ लाख पचासी हजार बराबरको क्षति भएको बताइएको छ ।
लिम्बूकै घर जनिकै रहेको रिना फोम्बोको ग्वाली समेत जलेको आठराई गाउँपालिका अध्यक्ष दिलकुमार पाहिमले जानकारी दिनुभएको छ ।
