काठमाडौं, ५ पुष । कपिलवस्तुमा विभिन्न दल परित्याग गरि ५ हजार भन्दा बढी नेकपा एमाले प्रवेश गर्ने छन् ।
मंगलबार कपिलवस्तुमा नेकपा एमालेका अध्यक्ष केपी शर्मा ओलीलले नवप्रवेशीहरुलाई एक कार्यक्रमकाबीच स्वागत गर्ने कार्यक्रम छ।
कपिलवस्तुको बहादुरगन्जमा आयोजित वृहत् पार्टी प्रवेश कार्यक्रममा अध्यक्ष ओलीले काँग्रेस माओवादी र मधेशी दलहरुबाट एमाले प्रवेश गरेका हजारौँ कार्यकर्तालाई स्वागत गर्ने कार्यक्रम छ ।
अध्यक्ष ओली उक्त कार्यक्रममा सहभागी हुन सोमबार साँझ ५ः२० बजे काठमाडौंबाट भैरहवा उडिसकेको पार्टीका सचेतक खिमलाल भट्टराईले जानकारी दिए ।
आज बहादुरगन्जमा जसपाका लोकप्रिय नेता मंगलप्रसाद गुप्ताको नेतृत्वमा माओवादीबाट निर्वाचित वडाअध्यक्षलगायत ५ हजार भन्दा बढी नेता तथा कार्यकर्ताहरु एमाले प्रवेश गर्ने कार्यक्रम रहेको छ ।
एमालेको १०औं अधिवेशनले देशव्यापी पार्टी प्रवेश कार्यक्रम संचालन गर्ने निर्णय गरेको थियो । उक्त निर्ण अनुसार नै एमालेले अहिले पार्टी प्रवेश अभियान देशभर चलाइ रहेको छ । यसअघि बारामा करिव ७ सय जना काँग्रेस र माओवादी परित्याग गरी एमाले प्रवेश गरेका थिए । नवप्रवेशीहरुलाई एमाले नेता महेश बस्नेतले स्वागत गरेका थिए ।
