पाँचथर, ३ साउन । । पाँचथर सदरमुकाम फिदिममा आज बिहान भएको अटो दुर्घटनामा एकजनाको ज्यान गएको छ । त्यस्तै ४ जना घाइते भएका छन् ।
आज बिहान फिदिम ६ शिवाबाट फिदिम बजारतर्फ आउदै गरेको प्र १–०१–००१ स ८७०५ नम्बरको अटो शनिबारे नजिक दुर्घटना भएको हो ।
दुर्घटनामा परि निधन हुनेमा फिदिम ६ की ५५ वर्षीय हरिमाया तुम्रोक रहेको जिल्ला प्रहरी कार्यालय पाँचथरले जनाएको छ ।
दुर्घटनामा गम्भीर घाइते भएकी तुम्रोकको उपचारको क्रममा जिल्ला अस्पताल पाँचथरमा निधन भएको प्रहरीले जनाएको छ ।
त्यस्तै घाइते हुनेमा सन्देश लिम्बु, अटो चालक सोहि ठाउँका दिपक लिम्बु, फिदिम ६ कि बसन्ती लिम्बु र फिदिम ७ का कुशसल लिम्बु रहेको जिल्ला प्रहरी कार्यालय पाँचथरले जनाएको छ ।
घाइतेहरु सबैको जिल्ला अस्पताल पाँचथरमा उपचार भइरहेको छ ।
