काठमाडौं, १७ पुस । गायक राजेशपायल राईमाथि अमेरिकामा आक्रमण भएको छ । नयाँ वर्षको उपलक्ष्यमा आयोजित एक सांगितिक कार्यक्रमका लागि अमेरिका पुगेका गायक राईमाथि प्रस्तुति दिइरहेको बेला स्टेजमै आक्रमण भएको हो ।
लाईभ भिडियोमा देखिए अनुसार गायक राई स्टेजमा प्रस्तुति दिइरहेका हुन्छन् । मैले मायाँले दिएको चिनो राख्यौँ की फाल्यौँ भन्ने गीत गाइरहेका हुन्छन् । सोही बेला स्टेजको देब्रे तर्फबाट एक युवक आउछन् । र, पछाडिबाट घाँटिमा न्याक्छन्। र, कस्छन्। त्यसपछि राईले गीत गाउनै सक्दैनन । तर गायक राईले कुनै पनि नकारात्मक प्रतिकृया दिँदैनन् ।
ती युवक प्रति कुनै नकारात्मक टिप्पणी नगरी पछाडीबाट आएको अंगालेलाई आफू स्वीकार गर्न तयार रहेको बताउँछन् । अगाडीबाट आए केहीसँग हार नखाने उनी गायक राई बताउछन् ।
त्यसपछि गायक राई भन्छन्, ‘अगाडीबाट आए ज्वालामुखी पनि पचाउँछु जस्तो लाग्छ। पछाडिबाट आएको अंगालो मलाई स्वीकार्यछ । राजेशपायल राई हार्न कहिले जान्दैन डराएर भाग्न पनि जान्दैन।’
