काठमाडौं, २१ पुस । द भ्वइस किड्सकी प्रतियोगी रुक्साना लिम्बू जिताऔँ अभियान संचालन हुने भएको छ । रुक्साना लिम्बु जिताउ अभियान काठमाडौंद्वारा बिहीबार काठमाडौं उपत्यकाका विभिन्न स्थानहरुमा पुगेर घर घरमा भोट माग्ने भएको हो ।
ललितपुर चापागाउँ दोबाटोको भाटभटेनिको अपोजिट् पिपलबोटमा दिउँसो साडे १२ बजे भेला भइ रुक्साना लिम्बुकालागि भोट माग्दै र्याली निकालिने बताइएको छ ।
उक्त अभियानले गर्दै घर आगनमा भोट माग्ने कार्यक्रम राखेको भन्दै सम्बन्धित सबैजनालाई उपस्थित हुन आग्रह गरेको छ । त्यस्तैगरी सबै मिडियाहरुलाई पनि र्यालीमा उपस्थित हुन आग्रह गरिएको छ ।
रुक्साना ब्लाइन्ड अडिसन, लाइभ हुँदै टप १६ मा पर्न सफल भएकी छन् । उनको गाएकीसँग लाखौँ दर्शक तथा स्रोता प्रभावित भएका छन् । अबको चरण पार गरे उनी टप ८ मा पुग्नेछिन् । त्यसपछि भने सिधै फाइनल हुने भ्वइस किड्सले जनाएको छ ।
