काठमाडौं, १७ माघ । नेकपा (एमाले)का नेता गोकुल बास्कोटाले वर्तमान सरकारलाई झाडिमा फसेको बाह्रसिंगे गैडा जस्तो भएको बताएका छन् । उनले सोमबार सामाजिक संजाल फेशबुकमा स्टाटस लेख्दै उक्त कुरा बताएका हुन् ।
उनले सरसकार तथा गठबन्धनलाई एमसीसीबारे आफै गर्नुपर्नेमा अरुलाई दोस दिएको आरोप लगाएका छन् । उनले आफैले सुरु गरेको एमसीसी परियोजनालाई घरेलु राजनीतिको बिषाक्त बनाएको पनि आरोप लगाएका छन् ।
‘झाडीमा फस्या बाह्रसिंगा जस्तो छ परमादेशी गठबन्धन उल्टै एमसिसि बारे एमालेमाथि प्रश्न गर्छ। सुरुदेखी नै यो परियोजना आरम्भ गर्नेहरुकै सरकार छ।एमसिसिलाई घरेलु राजनीतिको बिषाक्त हतियार बनाउनेहरुले जे निर्णय लिनु छ सो निर्णय लिए भैगो नि। बेकारमा किन क्याऊॅं क्याऊॅं गरि बसेका हुन ?,’ – उनले भनेका छन् ।
