काठमाडौं, १० फागन । नेकपा एमाले अध्यक्ष केपी शर्मा ओलीले विश्व स्काउट एशिया प्रशान्त क्षेत्रको उच्च पदक “मेधावी योगदान” प्राप्त गरेका छन् । पूर्वप्रधानमन्त्री एवं नेपाल स्काउटका तात्कालीन संरक्षक समेत रहेका ओलीलाई सोमबार उक्त सम्मान दिइएको हो ।
सोमबार समापन भएको विश्व स्काउट एशिया प्रशान्त क्षेत्रीय सम्मेलनमा ओलीले नेपाल स्काउटको अभियान विकास, विस्तार र प्रर्बद्धन मार्फत बालबालिका तथा युवाहरुको सर्बपक्षीय विकासमा पुर्याएको योगदानको कदर गर्दै उक्त पदक प्रदान गरिएको हो।
ओली “मेधावी योगदान” पदक प्राप्त गर्ने पहिलो नेपाली हनुहुन्छ भने यस बर्ष यो पदक उनलाई मात्र प्रदान गरिएको छ ।
