चुहानडाडा, १ चैत । तेह्रथुम जिल्लाको आठराई गाउँपालिका ६ चुहानडाडाँमा आगलागीबाट एक घर पूर्ण रुपले जलेको छ । आगो अझै नियन्त्रणमा आएको छैन ।
इलाका प्रहरी कार्यालय सक्रान्तिबजारका अनुसार आगलागीबाट आठराई गाउँपालिाका ६ साविक चुहानडाँडा ५ मंसारीस्थित अविचन्द्र तामाङको घर र गोदाम पूर्ण रुपमा जलेको हो । उक्त घर र गोदाममा रहेको सम्पूर्ण सामग्री जलेर नष्ट भएका छन् ।
साविक चुहानडाँडा ५ मंसारीबाट सुरु भएको आगलागी नियन्त्रणमा आउन सकेको छैन । आगलागी साँझ ६ बजेबाट सुरु भएको स्थानीयले बताएका छन् ।
आगालागि नियन्त्रणको लागि आठराई गाउँपालिकाको दम्कल र प्रहरी टोली संक्रान्तिबजारबाट पठाईएको इलाका प्रहरी कार्यालय संक्रान्तिबजारका प्रहरी निरीक्षक शेषकराम थान्दारले जानकारी दिनुभयो ।
हालसम्म आगलागीबाट मानवीय क्षति भने भएको छैन । आगलागीको कारण खुल्न सकेको छैन ।
