फिदिम । गायक भीम चेम्जोङले ‘स्याउलिको पातमा’ बोलको नयाँ गीत सार्वजनिक गरेका छन् । शनिबार पाँचथर सदरमुकाम फिदिममा एक कार्यक्रमको आयोजना गरि गीत सार्वजनिक गरिएको हो।
आधुनिक लोक ‘प्याटर्न’मा बनेको गीत नेपाल मिडिया ग्रुपको दोश्रो साङ्गितिक प्रस्तुतीका रुपमा ल्याइएको गायक चेम्जोङले बताए ।
उक्त गीतमा सङ्गीत बुद्धराज लिम्बुले भरेका छन् भने शब्द सागर केरुङ लिम्बूको रहेको छ । त्यस्तै गीतको म्युजिक भिडियो निर्माण कुशल चेम्जोङले गरेका छन ।
नेपाल मिडिया नामक युट्युव च्यानलबाट सार्वजनिक गरिएको गीतको म्युजिक भिडियोमा गायक चेम्जोङकै ‘लिप्सिङ’ रहेको छ । नवगायक चेम्जोङ सञ्चारकर्मी समेत हुन् ।
(भिडियो)
