इलाम, २१ बैशाख । नेकपा (एमाले)का अध्यक्ष केपी शर्मा ओलीले विगतमा झलनाथ खनाललाई टिकट दिएर ठूलो भूल गरेको स्वीकार गरेका छन् ।
झलनाथकै निर्वाचन क्षेत्र इलामको माइ नगरपालिकामा सम्बोधन गर्दै अध्यक्ष ओलीले एमालेका कार्यकर्ता र जनताले जिताएका व्यक्ति नै पार्टी सिध्याउन अग्रसर उल्लेख गरे ।
‘एमालेको भोटबाट, एमालेका कार्यकर्ताको मेहनतबाट चुनाव जितेका झलनाथ खनालहरु आज कांग्रेसको झम्के पुच्छर भएका छन्,’ ओलीले भने, ‘कांग्रेसको जिउमा झिँगा बस्नासाथ झम्के पुच्छर भएर हल्लिने भएका छन् । यस्तालाई विगतमा टिकट दिनु मेरो भूल भयो ।’
अध्यक्ष ओलीले भुलवस बाटो बिराउनेहरुलाई एमालेमा फर्किन आग्रह समेत गरे । उनले पार्टी सिध्याएर कांग्रेसको पछि लागेकाहरुबाट सचेत हुन कार्यकर्ताहरुलाई आग्रहसमेत गरेका छन् ।
