तेह्रथुम, ३१ बैशाख । आठराई गाँउपालिकामा अध्यक्षमा नेपाली काँग्रेसका दिलकुमार पाहिमले अग्रता लिएका छन् ।
यतिबेला आठराई गाउँपालिकाको वडा नम्बर १, २ र ३ मतगणनका कार्य जारी छ । हालसम्म ३ वटै वडाबाट ८ सय ८७ मत गणना हुँदा गठबन्धनका उम्मेदवार पाहिमले ४ सय ६९ मत प्राप्त गरेका छन् ।
त्यस्तै अर्का अध्यक्षका प्रत्यासी एमालेका उम्मेदवार रामचन्द्र थपलियाले ३ सय ७७ मत प्राप्त गरेका छन् । उपाध्यक्षमा एमालेकी रुपादेवी कन्दङवाले ४ सय ८ मत पाएकी छिन् ।
हाल मत गणना भइरकेको क्षेत्र पाहिमको गृहक्षेत्र भएकाले पनि पाहिमलाई भारी मत प्राप्त भएको छ । यता थपलियको गृहक्षेत्रमा भने मतगणना थालिएको छैन ।
त्यस्तै उपाध्यक्षका गठबन्धनका उम्मेदवार उम्मेद्धार बनेका माओवादी केन्द्रका बलिराज ईङनामले ३ सय ८२ मत प्राप्त गरेका छन् ।
हाम्रोसवाल डटकमको सहयोगमा
