- सुमन आचार्य
आठराई, २ जेठ । आठराई गाउँपालिका वडा नम्बर ६ चुहानडाँडामा गठबन्धनको प्यानलै विजयी भएको छ । सोमबार बिहान ४ बजे सम्पन्न मतगणनमा गठबन्धनका सबै उम्मेदवार विजयी भएका हुन् ।
आठराई – ६ अध्यक्षमा नेपाली काँग्रेस तथा गठबन्धना साझाउम्मेदवार कृष्णप्रसाद बास्कोटा विजयी भएका हुन् । उनले जम्मा ८०३ मत प्राप्त गरे । उनका निकटतम प्रतिद्वन्द्वी अनिलचन्द्र कन्दङ्वाले ६८७ मत प्रात्त गरेका छन् ।
त्यस्तै खुला सदस्यमा नेकपा (एकीकृत समाजवादी)का ओमकुमार लिम्बू सर्वाधिक ७६५ मतका साथ विजयी भएका छन् ।
अर्का खुला सदस्यमा उदय कन्दङ्वा (काँग्रेस) ७३३, महिला सदस्यमा सञ्जु मोक्तान ७३२ र दलीत महिला सदस्यमा भमा बर्देवा ७३९ सहित गठबन्धनका प्यानलै विजयी भएका हुन्।
उता पराजित भएका एमाले र माओवादी केन्द्रका उम्मेदवारहरुमा हरिमाया आचार्य एमाले (एमाले) ६७४, अन्जना पोमू माओवादी केन्द्र ६४६, कमला विक एमाले ६७४ र छिरिङ तामाङ (एमाले) ६३५ मत प्राप्त गरेका छन् ।
