काठमाडौं, ६ जेठ । काठमाडौंका भित्रि बजार कोर सिटीमा नेकपा एमालेका उम्मेदवार केशव स्थापित हाबी भएका छन् ।
जेठ ३० गते सम्पन्न २०७९ सालको स्थानीय निर्वाचनको मत परिणाममा काठमाडौं महानगरको मेयरमा एमालेबाट उम्मेदवारी दिएका स्थापितले कोर सिटीमा राम्रो मत पाएका हुन् ।
समग्रमा स्वतन्त्र उम्मेदवार बालेन शाह अधिक मतका साथ अघि छन् । उनले हालसम्म २४,८९० मत पाएका छन् । त्यस्तै स्थापितले १३,१८९ मत पाएका छन् । त्यस्तै नेपाली काँग्रेसकी उम्मेदवार सिर्जना सिंहले जम्मा १२,५४४ मत पाएकी छन् । तर हाल मत गणना भइरहेको वडा नम्बर २७ मा भने ५०० मतगणना हुँदा स्थापितले १७३ र सिंहले १२६ मत पाएका छन् । उता अत्याधिक मत पाइरहेका बालेनाले भने यो वडामा ६७ मत मात्रै पाएका छन् ।
त्यस्तैगरी २८ नम्बर वडामा २,५२१ मतगणना हुँदा स्थापितले नै धेरै मत पाएका छन् । उक्त वडामा उनले ६०७ पाए। बालेनले ६०४ पाए भने सिर्जनाले ५७० मत पाएकी छन् ।
