फिदिम, २७ मंसिर । गायक सुजन आङ्देम्बेले ‘सम्झेको बेलैमा – २’ सार्वजनिक गरेका छन् । ‘सम्झेको बेलैमा’को अपार सफल्तापछि उनले यो गीत सार्वजनिक गरेका हुन् । युवा युवतीबीचको प्रेम भाव समेटिएको नयाँ गीतको म्युजिक भिडियोपनि सुजन आङ्देम्बेले आफ्नै अफिसियल युट्युव च्यानलमार्फत सार्वजनिक गरेका छन् ।
सम्झेको बेलैमा २ मा सुजनलाई फिमेल स्वरमा द भ्वइसकी श्रेया राईले साथ दिएकी छन् । उत्कृष्ठ लय र उत्कृष्ठ शब्द संकलन रहेको गीतमा भिडियो पनि उच्च प्रविधिकासाथ निर्माण गरिएको छ ।
प्रेमी प्रेमिकाको सम्बोधनलाई उतारेर तयार गरिएको गीतको रचना सुजनकै रहेको छ । म्युजिक भिडियोमा सुजन आँफैले अभिनय गरेका छन् भने मोडलिङ अलिना नेम्वाङको रहेको छ । त्यस्तै सहायक अभिनयमा सागर केरुङ, उदय नेम्वाङ र धिरेन तुम्बापोलाई देखिनेछ ।
म्युजिक भिडियोको छाँयाँङ्कन इसक जवेगुले गरेका छन् भने सृगार एलिना नेम्वाङको रहेको छ । भिडियोको छायाँङ्कन पाँचथर जिल्लाकै सिलौटी, लब्रेकसटी, सुकेपोखरी, तमोर किनार अदि स्थानमा गरिएको छ । सुजनले भर्खरै ‘लैबरी लैबरी’ बोलको गीत बजारम ल्याएका थिए ।
(भिडियो)
