- सुमन आचार्य
तेह्रथुम, २२ जेठ । नेपाल विद्यार्थी संघ इकाई कमिटि तेह्रथुम बहुमुखी क्याम्पसले तेह्रथुम बहुमुखी क्याम्पस क्षेत्र भित्र एक कार्यक्रम आयोजना गरि वृक्षरोपण गरेको छ ।
वृक्षरोपण कार्यक्रममा दिउँसो १ बजे क्याम्पसका क्याम्पस प्रमुख निलम खरेलबाट बिरुवा रोप्दै उद्घाटन गरिएको थियो ।
कार्यक्रममा प्राध्यापक, कर्मचारीसहित क्याम्पसमा अध्यानरत छात्र(छात्रा सहभागी भएका थिए ।
रुखले स्वच्छ वातावरण निर्माण गर्न महत्त्वपूर्ण भुमिका निर्वाह गर्ने भएकाले क्याम्पसलाई हरियाली, शान्त, सुन्दर र सितल बनाउन वृक्षरोपण गरिएको आयोजकका तर्फबाट इकाई कमिटी अध्यक्ष ताराप्रसाद दाहालले जानकारी दिनु भएको छ
