काठमाडौं, २० साउन ।। लकडाउनमै इजेजमेन्ट गरेका गायिका मेलिना राई र सञ्जिव बराइलीबीच विवाह अघि नै ‘ब्रेकअप’ भएको छ ।
केही महिना अघि गायिका राईले सञ्जिव बराईलिसँग इंगेजमेन्ट भएको भन्दै तस्बीर सार्वजनिक गरेकी थिइन् । तर आज उनले फेरी सामाजिक संजाल फेसबुकमा एक स्टाटस लेख्दै आफूहरुबीच ब्रेकअप भएको जानकारी दिएकी हुन् ।
केही समय अगाडी मैले आफ्नो इगेजमेन्ट गरेको कुरा यसै सामाजिक संजाल मार्फत घोषणा गरेको थिएँ । त्यो मेरो जीवनको एउटा गम्भीर निर्णय थियो । एउटा परिस्थितिमा हामी दुईबिच भबिष्यमा संगै जीवन बिताउने सोच सहित त्यो निर्णय गरिएको थियो ।
समय छोटै भएपनि जिन्दगीको बारेमा लामो बिमर्श भयो । हामी बिच बैचारिक पक्षमा स्पष्ट मतभेत देखिन थाल्यो अर्थात हाम्रो बिचारमा मेल खान सकेन । धेरै समिक्षा आत्मा समिक्षा पछि कमजोर साधन चढेर बलियो साध्य चुम्न धेरै कठिन हुन्छ भन्ने निष्कर्षमा पुगियो ।
फेरि सबै इगेजमेन्टहरु बिबाहमा परिणत हुनै पर्छ भन्ने बाध्यकारी कुरा पनि नहुने रहेछ । त्यसैले आजकै मितिबाट हामी बिचको इगेजमेन्ट तोडिएको कुरा म फेरि यहि सामाजिक संजालमार्फत सार्बजानिक गर्दछु । यो बीचमा सम्पूर्ण शुभचिन्तकहरुमा पर्न गएको भावनात्मक असरप्रति क्षमाप्राथी छु, साथै भबिष्यमा अझ मेहनत गरेर सांगीतिक क्षेत्रबाटै देशको सेवा गरिरहने प्रतिबद्धता पनि व्यक्त गर्दछु ।
