काठमाडौं, ६ असोज । नेपाल प्रहरीका पूर्वमहानिरीक्षक (आईजीपी) सर्वेन्द्र खनाल एमाले प्रवेश गर्ने भएका छन् ।
उनी आज बिहीबार एमाले प्रवेश गर्ने तयारीमा रहेको नेकपा एमालेले जनाएको छ । उनलाई एमाले पार्टी कार्यालयमा एक कार्यक्रमकाबीच एमाले प्रवेश गराउन लागिएको एमालेले जनाएको छ ।
एमाले अध्यक्ष केपी शर्मा ओली आफैले बोलाएर पार्टी प्रवेशको लागि आग्रह गरेपछि पूर्व आइजीपी खनाल राजी भएको खनाल निकट स्रोतले जनाएको छ ।
प्रवेशपछि उनलाई तनहुँ वा बारा मध्ये एक ठाउँबाट निर्वाचनको टिकट दिने तयारी छ ।
