तेह्रथुम, १६ असोज । तेह्रथुमको आठराई गाउँपालिका ६ चुहानडाडाँमा सम्पन्न वडास्तरिय फुटवल प्रतियोगिताको उपाधि वडा १ सक्रान्तिबजारले उचालेको छ ।
बडा दशैँको अवसरमा आयोजित वडास्तरिय फुटबल प्रतियोगिताको फाइनल खेल शनिबार सम्पन्न भएको थियो ।
चुहानडाँडास्थित तेह्रथुम बहुमुखी क्याम्पसको खेल मैदनामा सम्पन्न फाइनल खेलमा वडा १ सक्रान्तिबजारले वडा २ खाम्लालुङलाई ट्राइबेकरमा ५ का बिरुद्ध ४ गोलले पराजित गरेको हो ।
वडा ६ चुहानडाडाको आयोजनामा असोज १२ देखि १५ सम्म ४ दिन खेल आयोजना भएको वडा सदस्य ओमकुमार लिम्बूले बताउनुभयो ।
प्रतियोगिताको विजेताले नगद रु १ लाख प्राप्त गरेको छ भने दोस्रो खाम्लालुङले ५० हजार पुरस्कार प्राप्त गरेको वडा सदस्य लिम्बूले बताउनुभयो ।
Facebook Notice for EU!
You need to login to view and post FB Comments!
