पाँचथर, २८ असोज । तिनजुरे मिडिया ग्रुपको ४६औँ सहयोग अन्तर्गत मिक्लाजुङ्ग गाउँपालिका ८ साबिक दुर्दिम्बा २ हाङ्साबारिका पहिरो पीडित फौदराज सेर्मालाई २४ हजार ७ सय रुपैयाँ सहयोग हस्तान्तरण गरिएको छ ।
एक बर्ष अघि पहिरोले घर लगेपछि बासस्थानमा समस्या भएका सेर्मा परिवारलाई बासस्थान निर्माणमा सहयोग पुगोस् भनि आज इगल ए फ एफ ९९.४ मेगाहर्ज फिदिम पाचथरमा एक कार्यक्रम गरि पीडितकी छोरी गोमा शेर्मालाइ उक्त सहयोग रकम हस्तान्तरण गरिएको ग्रुपका अध्यक्ष देव बास्कोटाले जानकारी दिनु भएको छ ।
उक्त सहयोग हस्तान्तरण इगल एफ एमका स्टेसन मेनेजर उपेन्द्र येक्तेन तथा ग्रुप उपाध्यक्ष बिनु बिनिता मगर साथै प्रस्तोता मौसम सम्बाहाम्फेले हस्तान्तरण गर्नु भएको हो ।
तिनजुरे मिडिया ग्रुप प्रबाश नेपालले विभिन्न पीडितको अबस्था हेरि बिगत ५बर्ष अघि देखी हरेक महिना १ पीडित सहयोग गर्दै हाल सम्म १७ लाख बढी सहयोग गरेको अध्यक्ष देव बास्कोटाले जानकारी दिनु भएको छ ।
