धनकुटा, १३ कात्तिक । धनकुटाको मुलुघाटस्थित तमोर नदीको पुलबाट खसेर एक वृद्धको ज्यान गएको छ ।
मृत्यु हुनेमा मुलघाटकै छत्रमुखी साम्पाङ भएको जिल्ला प्रहरी कार्यालय धनकुटाले जनाएको छ ।
उनी पुलमै हिड्ने क्रममा लडेर बगरमा झरेको र घटनास्थलमै निधन भएको प्रत्यक्षदर्शीले बताएका छन् । स्थानीयका अनुसार उनी आइतबार बिहान करिब १० बजेर ४५ मिनेट जाँदा पुलबाट खसेको प्रत्यक्षदर्शीले बताएका छन् ।
अहिले प्रहरीको टोली घटनास्थलमा पुगेर मुचुल्का उठाउने काम गरिरहेको छ ।
